На социјалните мрежи се појави аудио снимка во која се слуша гласот на претседателот на Собранието, Талат Џафери, кој вика и пцуе, наводно по вработени во Собранието, а наводно истата е направена во македонскиот Парламент.
Командант Форина до службениците: 👉Си ебавате мајката тука! pic.twitter.com/R5tMyGL2TK
— @Soleimani (@Soleimani_QUDS) May 12, 2022
-Сите од служба, конкретно од седници, веднаш кај мене, сите позади што седат сите до еден, вие што сте на плата и уште си е.авате мајка овде. Што бараш бе ти овде, ајде бегај таму, бегај, излези!, извикува меѓудругото Џафери во снимката, а користи и пцовки и навреди.
Со реакција за снимката се јавија од ВМРО ДПМНЕ.
-Непријатно сме изненадени од примитивизмот на претседателот на Собранието, Талат Џафери, кој мислејќи дека камерите се исклучени ги навредува и со најпогрдни пцовки ги малтретира вработените во Собранието.
Односот на Џафери кој може да се слушне во видеоматеријалот е скандалозен, примитивен и целосно недозволив.
Односот на Џафери е и слика како се однесува оваа власт на СДСМ и ДУИ со вработените во институциите и народот воопшто. Тие вработени кои Џафери ги пцуе се нечии синови, ќерки, мајки, татковци, сопружници, се наведува во реакцијата на партијата.
Според партијата, Џафери е пример за политичар кој треба да биде минато.
-Оваа аудиоснимка од која се слуша примитивизмот на Џафери е доказ зошто СДСМ и ДУИ мора да заминат во опозиција и зошто мора да има предвремени избори час поскоро, велат од ВМРО-ДПМНЕ.
Фото: Собрание