Македонија испраќа хеликоптер и 30 војници за поддршка на гасење на пожарите во Грција

Владата во знак на солидарност и во насока на зајакнување на партнерството и соработката помеѓу Македонија и Грција, донесе одлука за испраќање на припадници и капацитети на Армијата во поддршка на гасење на пожари, во Грција.

Како што соопштија од владината прес – служба, се работи за припадници на Армијата со јачина од еден вод, со вкупно 30 припадници и хеликоптер со посада и потребни капацитети за гасење на пожар.

– Сите потребни мерки и активности за координација со властите во Република Грција, во врска со поддршката при гасењето на пожарите ги презема Министерството за одбрана – Генералштабот на Армијата на РС Македонија, се наведува во соопштението.

ПОВРЗАНИ ВЕСТИ

(Видео) 80-годишник се самоуби додека гледал како му гори куќата: Вон контрола пожарот во близина на Атина, изгореа многу домови, евакуирани жителите на над десет населби

Фото: АРМ