Милен Врабевски, главниот финансиер на приватните бугарски клубови во Македонија за Бугарската национална телевизија (БНТ) најави дека ќе се отворат уште 20 бугарски клубови во земјава.
ПОВРЗАНИ ВЕСТИ
Кој е Милен Врабевски, главниот финансиер на бугарските клубови во Охрид и Битола
(Фото) Финансиерот на бугарските клубови дели пакети со храна со слика на Цар Борис Трети
„За бугарските клубови во С Македонија, ме прашувате која е опцијата за решавање на проблемот со насилството. Многу е едноставно, уште 20 клуба и постепено вистината ќе се разбере, а евроинтеграциите значат пред се вистина. Таа ќе ве ослободи“, изјави тој.
Врабевски зборуваше и за „југословенски модел”, кој го посочи како „најлошиот модел на светот“, а според него, на луѓето во Македонија „им се испрани мозоците“, а територијата е „украдена од Бугарија“.
„Една територија украдена со многу крв и престапи, отцепена од Бугарија и асимилирана на еден многу грозен начин. Југословенскиот модел, нема погаден модел на светот. Практично, тој модел се уште е на власт и им ги пере мозоците на луѓето“, рече тој.
ПОВРЗАНИ ВЕСТИ
Фото: Фејсбук/Врабевски