Премиерот Зоран Заев денеска во Клубот на пратениците го најави почетокот на кампањата за референдумот што треба да се одржи на 30 септември.
Кампањата ќе оди со слоганот „Излези и гласај за Европска Македонија„.
Освен Заев, се обрати и претседателот на ДУИ Али Ахмети.
Заев рече дека постои една директна линија што ги поврзува 8 септември 1991 година и 30 септември 2018 година.
„Тоа се два големи настана и чекори што ги преземаме како одговорни граѓани со кои ја обезбедуваме иднината на земјата. Ова е уште еден референдум за зацрстување и потврдување на нашата независност со што ќе добиеме сигурна перспектива како членки на НАТО и ЕУ“, рече премиерот.
Кампања „Излези ЗА европска Македонија“
Најава на кампањата „Излези ЗА европска Македонија“. #ИзлезиЗА
Posted by Zoran Zaev on Четврток, 30 август 2018
Фото/видео: Влада/Видео