Во текот на минатиот месец, пријавени се три случаи на ХИВ, стои во најновиот билтен на Институтот за јавно здравје (ИЈЗ) за движењето на акутните заболувања во Македонија во декември лани.
Не се пријавени лица со СИДА.
-Трите пријавени лица се од машки пол.
Според местото на живеење едно лице е од Скопје, и по едно лице од Струга и Свети Николе.
Лицата се на возраст од 30-44 години.
Едно лице е хетеросексуалец, 1 лице припаѓа на групата МСМ, а за едно лице начинот на трансмисија е непознат.
Во текот на месец декември не се регистрирани смртни случаи од ХИВ/СИДА.
Согласно постоечката евиденција на пријавени случаи (заклучно со 31.12.2022 година), кумулативниот број на лица регистрирани со ХИВ/СИДА во Македонија, за периодот 1987–2022 година, изнесува 586, и тоа: 123 лица починале, а 463 лица живеат со ХИВ/СИДА, стои во билтенот.