Милош Вучевиќ е новиот лидер на владејачката Српска напредна партија (СНС), откако оставка од таа функција поднесе претседателот на Србија, Александар Вучиќ.
ПОВРЗАНИ ВЕСТИ
Вучиќ поднесе оставка, Милош Вучевиќ нов претседател на владејачката Српската напредна партија
Кој е Вучевиќ?
Роден е во декември 1974 година во Нови Сад.
По професија е правник, а моментално е министер за одбрана на Србија, потпретседател на Владата, а пред да стане лидер беше потпретседател на СНС.
Беше градоначалник на Нови Сад во три мандати.
За првпат беше избран во 2012 година, по што доби уште еден мандат, а по третпат беше реизбран во 2020 година.
Потпретседател на СНС стана во мај 2016 година.
Оженет е и е татко на две деца.
Какво образование има
Според неговата официјална биографија основно училиште завршил во родниот град, гимназија во Бачки Петровац, а Правен факултет во Нови Сад.
Зборува англиски јазик.
Работно искуство и политичка кариера
Во 1999 година почнал да работи како адвокат во сопствена адвокатска канцеларија.
Престанал да работи како адвокат кога за првпат бил избран за градоначалник.
Бил и член на Управниот одбор на Националната алијанса за локален економски развој.
Фото: Фејсбук/Вучевиќ