Албан Малиќи е назначен за почесен конзул на Мексико со седиште во Скопје, соопштија вчера од Министерството за надворешни работи.
Министерот за надворешни работи Бујар Османи информираше дека „Албан Малиќи ја презема оваа важна функција со цел зајакнување на билатералните односи меѓу Мексико и Северна Македонија.“
„Со голема чест денеска прифаќам нова задача, почесен конзул на Соединетите Мексикански држави – Мексико. Имам голема одговорност да продолжам таму каде што татко ми прерано застана, и како конзул да придонесам во промовирањето на трговијата, културата и туризмот меѓу двете земји.
Оваа прокламација претставува нов почеток и сигнализира надеж за зајакнување на врските меѓу нашите две земји. Убеден сум дека со мојата енергија и големо искуство, овој мандат како конзул ќе го одбележам со успех. Со нетрпение ги очекувам првите активности за зајакнување на врските меѓу нашите народи,“ вели Малиќи.
Малиќи Груп му посакуваат успех во новата задача.
Фото: МНР