(Фото) На 3. август Лидл почнува со градба на маркет во Битола

Локалниот портал Битола њуз објави дека германскиот трговски синџир “Лидл“ на 3. август ќе започне со градба на маркет во Битола.

Според информациите кои ги објави порталот, повикувајќи се на информации од поставената табла, маркетот ќе се гради една година, а изведувач на работите е Фабрика Карпош АД Скопје.

Проектант е “Иванов Инженеринг“ од Битола.

За влезот на Лидл во Македонија преку бугарската ќерка фирма се зборува веќе неколку години, а според најавите трговскиот синџир треба да отвори маркети во осум градови низ Македонија.

ПОВРЗАНИ ВЕСТИ

Првиот маркет на Лидл во Македонија ќе биде во Скопје на местото на Бриколаж?

Логистичкиот центар на „Лидл“ во Македонија ќе биде во Куманово?

„Лидл“ заинтересиран да отвори маркет во Кисела Вода – во опција се неколку локации, но и отворање на регионален центар

Фото: Битола њуз