Претседателката на Европската Комисија, Урсула фон дер Лејен пристигна во Македонија.
Првата средба вечерва ја имаше со претседателот Стево Пендаровски.
Од неговиот Кабинет информираа дека разговарале и за уставните измени.
-На средбата беа разменети мислења за стратешката важност од спроведување на измените на Уставот и натамошните импликации врз европската перспектива на земјава, велат од таму.
Било разговарано и за процесот на пристапните преговори на земјава за членство во Европската Унија, за актуелните политички случувања во Македонија и за тековните состојби во регионот, информираа од таму.
-Во таа насока беа разменети информации за натамошните фази во преговорите по завршување на скриниг прoцесот и за динамиката на спроведување на реформите, велат од неговиот Кабинет.
На средбата било разговарано и за претстојниот извештај на Европската Комисија за напредокот на Македонија како земја-кандидат, како и за Планот за раст на Западниот Балкан, при што претседателот Пендаровски се заблагодарил за поддршката и посветеноста од Европската Унија на политиката на проширување и интеграција на земјите од Западен Балкан.
Утре Фон дер Лејен ќе се сретне и со премиерот Димитар Ковачевски, а според официјалната агенда не е предвидена средба со лидерот на ВМРО-ДПМНЕ, Христијан Мицкоски.
Фото/видео: Кабинет на претседателот