Советот на Општина Кавадарци едногласно изгласа против барањето за пренамена на земјиштето на ИГМ од Г2 во Г1. По ова прашање нема потреба повторно да се дискутира или да се прегласува, информира на својот Фејсбук профил, градоначалникот на Кавадарци, Митко Јанчев, за намерата на кавадаречката компанија да гради цинкара.
„Јас како градоначалник на Општина Кавадарци во целост го почитувам и се согласувам со мислењето на советниците во Советот на Општина Кавадарци. Никој не може да придонесе во нарушувањето на квалитетот на живот на кавадарчани, без разлика дали се работи за премиер, градоначалник, советник или бизнисмен.
Здравјето и квалитетниот живот на граѓаните на Општина Кавадарци е секогаш на прво место“, вели Јанчев.
Фото: Општина Кавадарци