Министерот за надворешни работи, Петер Сијарто, во интервју за Дојче Веле вели дека ниту неговата земја, ниту поранешниот македонски премиер Никола Груевски не прекршиле ниту еден закон со тајното патување до Унгарија.
Според него, нема ништо спорно во тоа што Груевски преминал четири граници во придружба на унгарски дипломати. Ни тој факт не го прави прашањето политичко, вели Сијарто.
„Не е тоа прашањето. Прашањето е дали ги преминал границите согласно меѓународните и националните правила. И одговорот е: да, го сторил тоа. Откако се пријавил во унгарската амбасада ги преминал сите граници до Унгарија во согласност со меѓународните и националните правила. Со исправна документација“, вели Сијарто за Дојче Веле.
Тој инсистира дека се работи за правен, а не за политички случај. Тврди дека одлуката за барањето азил на Груевски ќе ја донесе независно тело врз кое унгарската влада нема влијание.
„Се работи за правна процедура, која има методологија водена од унгарските и меѓународни закони. Одлуката ќе ја донесе релевантно тело, а тоа е независно тело и ние како влада немаме влијание врз него“, вели Сијарто.
ПОВРЗАНИ ВЕСТИ
Вучиќ отвори нова дилема: Груевски влегол во Албанија легално или нелегално?
Што е пасаван, со кој според Вучиќ, Груевски избега до Унгарија
Српскиот претседател Вучиќ: Еве како побегна Груевски
Фото: Груевски/Фејсбук