Следната година се очекува интензивирање на активностите на автопатот Кичево-Охрид и тој да биде готов во предвидениот рок до јуни 2021 година.
Сите наследени проблеми на овој автопат се надминати а изгласан е и третиот анекс на договорот за дополнителни 190 милиони евра, велат од Министерството за транспорт и врски.
– Има околу 54-55 проценти реализација досега, но она што е поважно е дека се надминати сите наследени проблеми со тунелот, свлечиштата, клучките и алтернативните патишта. Тоа го надминавме во изминатиот период, изјави министерот за транспорт и врски Горан Сугарески.
Потсети дека во тек е и проектирањето на првата делница од новиот автопат од Кичево до Гостивар.
За втората делница од Букојчани до Горна Ѓоновица и за третата делница Горна Ѓоновица – Гостивар ќе се обезбедат средства од ЕУ за проектирање.
МИА/Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.