„Грција ја призна Северна Македонија“, „Крај на спорот за името Македонија помеѓу Скопје и Атина“, „Македонија го смени името, парите и пасошите„, „Победата на Ципрас и Заев нема да трае долго“… се само дел од насловите во српските, бугарските, хрватските, албанските… медиуми, кои детално известуваат за ратификацијата на Договорот од Преспа и во грчкиот Парламент.
Регионалните медиуми ги пренесуваат и реакциите на светските и европските политичари, но прават и сопствени анализи што следи сега и дали имплементацијата на Договорот на терен може да донесе нови проблеми.
Во тој правец посебен интерес има кај бугарските медиуми, кои детално објаснуваат дека ќе се менуваат македонските учебници и историја, патните документи, регистарските таблички на автомобилите… и секако анализираат како спроведувањето на Договорот ќе се одрази на спроведувањето и на Договорот за добрососедство и пријателство помеѓу Македонија и Бугарија.
ПОВРЗАНИ ВЕСТИ
„Стани Зелче, ФИРОМ почина“: Твитер за ратификацијата на Договорот од Преспа и во Грција
Ратификацијата на Преспанскиот договор во Грција одекна во светските медиуми
Фото: Влада