Лидерот на ВМРО-ДПМНЕ, Христијан Мицковски вечерва на прес-конференција по повод приведувањата на тројцата нивни членови изјави дека се вршат апсења врз основа на изјави на сомнителни лица.
Мицковски рече дека Трајко Вељаноски, Спиро Ристовски и Миле Јанакиески не се виновни и обвини дека СДСМ свесни дека народот не ги поддржува, сакаат да внесат страв и да ги деморализираат ВМРО-ДПМНЕ и граѓаните.
– Овие луѓе не се виновни. Народот е веќе разбуден и не се плаши. Заев не ти се плашиме. ВМРО-ДПМНЕ и народот не ти се плаши. Ова што го правиш е лудило, ама ние сме спремни да понесеме жртва, затоа што знаеме дека сме на вистинската страна, на страната на Македонија, рече Мицковски.
Му порача на премиерот и лидер на СДСМ дека ќе го порази на претседателските избори и оти веднаш потоа ќе распише предвремени парламентарни избори.
– Нема бегање од поразот кој ти следи, ќе те победиме жестоко и со голема разлика, рече Мицковски.
МИА/Фото: ВМРО-ДПМНЕ
ПОВРЗАНИ ВЕСТИ
Заврши распитот на Јанакиески и Ристоски, Обвинителството бара притвор
Вељаноски: Јас да бидам организатор на настаните? Срамота!