Студијата за раководењето со јавните претпријатија: Кој тоа таму управува?, изработена од Институтот за демократија, покажува значителна нерамнотежа во однос на родовата структура на менаџментот на институциите.
„Разликите помеѓу различните типови на институции не се значителни што укажува дека родовата нерамнотежа е резултат на системска негрижа за правична застапеност во оваа смисла.
Така, само 29% од управувачките структури се жени што е во спротивност со политиките за промоција на родова еднаквост. Најголемата нерамнотежа е забележана кај директорите на институциите, каде само 5% од именуваните лица се жени. На спротивната страна отскокнува состојбата кај колективните органи, каде 43% од членовите се жени.
Резултатите сугерираат дека во овие случаи, најчесто комисии, се води повеќе грижа за родова застапеност, па процедурите и праксата кај овие институции имаат подобар исход“, се вели во студијата.
ПОВРЗАНИ ВЕСТИ
Среќен 8 Март: Жените тешко доаѓаат до раководни позиции и се надвор од пазарот на труд