„Овој народ, со кој што заедно живееме е див, беспримерно див. Затоа немаат идентитет и никогаш нема да го имаат…”, изјави реис Сулејман Реџепи, поглаварот на Исламската верска заедница на Македонија (ИВЗ) за време на церемонијата на поставувањето на камен темелникот на џамијата во скопското село Арнакија.
Видеото од неговиот говор е поставено на неговиот Фејсбук профил викендов, а церемонијата се одржала на 14 март.
И покрај тоа што изјавата осамна во медиумите и на социјалните мрежи, до сега нема никаква реакција од ниту една државна институција за ширењето на говор на омрза од страна на Реџепи.
Реџепи со оваа изјава го крши членот 391 од Кривичниот законик, според кој не е дозволено предизвикување на омраза, раздор или нетрпеливост врз национална, расна, верска и друга дискриминаторска основа.
ПОВРЗАНИ ВЕСТИ
Твитер „збесна“ за заканите на ИВЗ: „Имот или нема гласови од верниците за Стево“
ИВЗ и Сулејман Реџепи и се заканувале на Владата
Фото: Фејсбук/Реџепи