Министерката за надворешни работи на Бугарија, Екатерина Захариева, која во Софија имаше средба со македонскиот колега Никола Димитров, за имплементацијата за Договорот за пријателство, добрососедство и соработка, за бугарските медиуми брифира дека Бугарија нема да прави компромиси за историјата со Македонија.
„Нема да правиме компромис со вистината. Од Северна Македонија не сакаме ништо повеќе од вистината“, изјави Захариева за бугарска Нова во врска со откажувањето на Бугарија заеднички со Македонија да го чевствуваат Гоце Делчев на 7. октомври, денот кога Георги Димитров ги предал на Македонија останките на Делчев.
Според Захариева предавањето на останките на Македонија е едно од најголемите предавства кон Бугарија.
Гоце Делчев сам се изјаснил како Бугарин, вели таа.
Според Захариева едно од основните нешта кои Бугарија ги очекува од Северна Македонија е да се сменат учебниците по историја.
Таа за Нова го коментира и членството на Македонија во Европската Унија (ЕУ) и нагласува дека започнувањето на преговори со ЕУ не е гаранција за влез на Македонија во Унијата.
ПОВРЗАНИ ВЕСТИ
Бугарскиот вицепремиер Каракачанов: Скопје не сака да признае дека Гоце Делчев е Бугарин
Фото: Фејсбук/Захариева