Заев го промени мобилниот уред и бројот: Премиерот и неговиот Кабинет воведуваат мерки за зголемување на безбедноста

Премиерот Зоран Заев и неговиот кабинет преземаат мерки за зајакнување на ефикасноста и безбедноста во спроведувањето на транспарентната агенда составена од состаноци, настани и комуникации, информираат од Влада.

„Во тек е унапредување на протоколите и правилата за закажување состаноци и за спроведување на телефонски разговори во Кабинетот, со цел да се обезбеди високо ниво на проверки и заштити на комуникациите на претседателот на Владата.

Како дел од мерките за безбедност и внимателност во дигиталните и телефонските комуникации, во рамки на кабинетот на премиерот променети се дел од техничките уреди, вклучително и мобилните телефони и броевите на мобилните телефони на премиерот и на дел од неговите соработници“, се вели во соопштението на Влада.

ПОВРЗАНИ ВЕСТИ

Заев ќе отпушти дел од советниците и соработниците, поради телефонското наседнување на украинските комичери

„Ме измамија мангупи, а јас комуникативен“: Зоран Заев и руските комичари хит во регионалните медиуми

Заев на руските комичари им праќал слики со Меркел

(АУДИО) Руски комичари три пати разговарале со Заев преставувајќи му се како Порошенко и Столтенберг

Фото: Влада