Македонскиот премиер Зоран Заев е најновата „жртва“ на познатите руски комичари Вован (Владимир Кузенцов) и Лексус (Алексеј Столаров), кои во три телефонски разговори му се преставуваат како поранешниот претседател на Украина, Петро Порошенко, а во еден од овие разговори и како генералниот секретар на НАТО, Јенс Столтенберг.
Првиот разговор е направен пред референдумот за името, кон крајот на август минатата година, вториот на почетокот на годинава и третиот пред претседателските избори во Украина, на кои Порошенко изгуби.
Заев со лажните Порошенко и Столтенберг зборува на различни теми: за престојниот референдум за името, за посетата на германската канцеларка Ангела Меркел на Македонија пред референдумот, за спорот помеѓу Косово и Србија, за односите на Македонија со Русија, за подршката на поранешниот македонски претседател Ѓорге Иванов на Русија, за статусот на Македонската православна црква и нејзиното признавање од страна на српската и руската црква, за Договорот од Преспа, за односите со веќе бившиот премиер на Грција, Алексис Ципрас…
ПОВРЗАНИ ВЕСТИ
(Аудио) „Жртви“ на руските комичари освен Заев биле и Макрон, Ердоган, Столтенберг…
Заев на „лажните“ Порошенко и Столтенберг им дал телефонски броеви од Вес Мичел и Рамуш Харадинај
Фото/видео: Фејсбук/Вован/Лексус