По најавите од претседателот на Комисијата за историски прашања од бугарска страна, Aнгел Димитров дека ќе побара вонреден состанок до крајот на август, историчарот Драган Ѓоргиев, шеф на македонскиот тим во заедничката комисија за историски и образовни прашања помеѓу Македонија и Бугарија, во изјава за Телевизија 24 вели дека такво нешто не прифаќа.
“Не прифаќаме вонреден работна средба. Редовниот работен состанок ќе се одржи на 12 и 13 септември“, вели Ѓорѓиев.
Според него, доколку се отвори идентитетското прашање за Гоце Делчев, односно ако се инсистира да се договори неговиот идентитет, тогаш најверојатно преговорите ќе пропаднат.
“Барањето да се реши прашањето за Гоце Делчев веднаш и инстант со цел да се задоволи некоја, во овој случај политичка потреба, може негативно да влијае на работата на комисијата“, вели Ѓоргиев.
ПОВРЗАНИ ВЕСТИ
Историчарот Тодоров: Како ќе го чествуваме Делчев ако би се изучувал како Бугарин?
Историчарот Ѓорѓиев: Инстант решение за Гоце Делчев може да влијае негативно
Бугарската страна во Комисијата за историски прашања ќе бара вонреден состанок до крај на август