Британската Влада му одобрила на фармацевтскиот гигант „Фајзер“ законска заштита од тужби пред да стане првата земја што официјално даде зелено светло за употребата на вакцината против Ковид-19 произведена од оваа компанија, објави „Индепендет.“
Британското Министерство за здравство и социјална грижа потврдило дека на компанијата и било дадено законско осигурување во случај на легални акции кои би резултирале од проблеми настанати при вакцинирањето.
Во изминативе неколку недели бил променета регулативата при што слична заштита од тужби се обезбедува и за останатите компании како „Фајзер“ со што на некој начин им се дава имунитет од тужби на пациенти во случај на компликации.
Освен за производтелите, слична заштита е обезбедена и за медицинскиот персонал кој ќе го врши вакцинирањето.
Инаку, Британија најави дека вакцината ќе биде достапна за сите граѓани на возраст над 16 години, освен за бремените жени, бидејќи нема податоци како таа би можела да влијаа на трудниците и на бебињата.