Специјалниот пратеник на Владата за Бугарија, Владо Бучковски, денеска ја започнува својата прва официјална посета на Софија.
Од бугарското Министерство за надворешни работи соопштија дека вицепремиерот и министер за надворешни работи Екатерина Захариева ќе има средба со Бучковски, по која денеска ќе одржат заедничка прес-конференција.
Бучковски, како што јавија бугарските медиуми, за време на посетата, ќе има средби и со премиерот Бојко Борисов и министерот за одбрана и вицепремиер Красимир Каракачанов, а во четврток ќе се сретне и со претседателот Румен Радев.
Фото: Фејбук/Бучковски
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.