Градоначалникот на Општина Берово, Звонко Пекевски се сретна со хуманата фамилија Белчовски од село Русиново, кои ги донираа органите на трагично загинатата ќерка Верица Белчовска и спасија многу човечки животи.
-Во рамките на надлежностите подготвени сме институционално да помогнеме на семејството кое го направи најголемиот можен чин во хуманоста, покажувајќи колку човек во одредени тешки моменти може да биде голем.
Исто така ќе помогнеме и на повисоко институционално ниво, да ја добијат потребната поддршка, информираше Пекевски.
Заради тешката финансиска состојба, во која семејството се наоѓа, како што додадоа отворени се донаторски сметки, за секој кој сака да донира во рамките на своите можности.
-Апелираме во чест на врвната хуманост да и помогнеме фамилијата на Верче. Секако кон оваа акција се приклучува и Општина Берово. Фамилија Белчовски се благодарни на секој еден од вас, кој ќе се одлучи да даде помош и поддршка, додадоа од општината.
Сметката за донација на Белчовски е на име Душана Белчовска со број МК07200003848731751 Стопанска Банка АД Скопје.
ПОВРЗАНИ ВЕСТИ
Блаже Сапунџиев од Кавадарци, кој со години бил на дијализа доби бубрег од Верица Белчовска
Филипче му ветил на семејството на Верица дека ќе помогне за нивно вработување
МИА/Фото: Фејсбук/Филипче