За 50 проценти е намален транспортот на нафта од Грција, а кај другите стоки за широка потрошувачка има намалување од 30 до 50 проценти, брифираат за „Слободен печат“ од Макам транс.
Од Здруженито не сакаат да прејудицираат дали на државава и се заканува недостиг на бензини, но додаваат дека се ќе зависи од тоа колку ќе трае ваквата состојба и што ќе решат грчките власти.
Според информациите од возачите, како што пишува “Слободен печат“ и денеска пред граничниот премин Богородица – Евзони, колоните и натаму се огромни и достигаат до Гевгелија, бидејќи за секој влез во Грција, мора да се добие код, откако ќе се најавите на електронската страница.
Како што е познато неодамна Грција почна да ги тестира за Ковид-19 транспортерите на граница, која за нив и понатаму е отворена само од 6 до 18 часот, поради што на границата со денови има голем застој.