Владата на својата веб страна објави список на вработени во Кабинетот на премиерот Зоран Заев, негови советници и нивните плати.
Најплатен е советникот на Заев за национална безбедност, поранешниот разузнавач Зоран Верушевски, кој добива 74.618 денари.
Останатите 23 вработени, колку што ги има моментално на листата, добиваат од 55.268 до 60.546 денари.
Љубе Бошковски се уште е советник на Заев за странски инвестиции, Дане Талески е советник за надворешна политика, Иванна Хаџиевска Кошевалиски за меѓународни односи и соработка со меѓународни и домашни организации…
Заев има и четворица надворешни соработници, а од нив најплатена е Нина Фити-Неделковска, ќерка на професорот и академик Таки Фити, со 50.000 денари.
Останатите надворешни соработници се и Раде Јанковски за спречување на корупција во граничното работење, Магбуле Амети за здравство и Татјана Стојаноска Иванова за образование и наука.
Оваа е целата листа на вработени и советници:
Фото: Влада