Фабрика Карпош АД Скопје за период од јануари-септември 2021 година оствари позитивен финансиски резултат прикажан во поединечниот неревидиран Биланс на успех, информираат од фабриката преку Македонската берза.
“Приходите од продажба во најголем дел се приходи кои произлегуваат од продажба на производи (реализација) на големо на домашен пазар, приходи по времени ситуации, приходи од продажба на станови, во вкупен износ од 378.807 илјади денари.
Остварената нето добивка по оданочувањето за периодот 01.01- 30.09 2021 година изнесува 376 илјади.
Со оглед на недовршеното производство или производството во тек кое произлегува од станбен комплес Александрија (проект за изградба на станови кои ги гради Фабрика Карпош) со издавање на фактури на купувачите на станови по продажни цени, залихата ќе се валоризира и ќе го зголеми приходот на компанијата.
Во периодот 01.01-30.09 2021 година вкупните расходи во најголем дел се однесуваат на трошоци на продадени производи и услуги и истите изнесуваат 279.454 илјади денари.
Финансиските расходи се 4.103 илјади денари во извештајниот период и бележат намалување во споредба со истиот период претходната година“, велат од фабриката.
ПОВРЗАНИ ВЕСТИ
Фабрика Карпош со добивка во првите шест месеци
Намалена добивката на Фабрика Карпош во првите три месеци од годинава