Собранието на акционери „Фершпед“ АД Скопје на својата седница одржана на ден 17.05.2019 година донесе одлука за исплата на дивиденда со дивиденден календар, соопшти компанијата преку Македонската берза.
„Се одобрува исплата на дивиденда од акумулираната нераспределена добивка на Друштвото до 2008 година во бруто износ од 29.019.340 денари. Дивидендата во бруто износ по акција ќе изнесува 1.780 денари. Дивидендата ќе се исплатува во готово, на трансакциските сметки на акционерите.
Последен ден на тргување со право на дивиденда е 05.06.2019 година. Прв ден на тргување без право на дивиденда 06.06.2019 година. Датумот на евиденција според кој се определува листата на акционери кои имаат право на дивиденда е 07.06.2019 година“, соопшти компанијата.
ПОВРЗАНИ ВЕСТИ
Кои се новите членови на Одборот на директори на „Фершпед“?