Три автомобили изгореле на Лефкада, помеѓу кои и на македонски државјанин, пишува српски Курир.
Според информациите од Марко Тодорчевиќ (38) од Белград, кој бил на летување во близина на Лефкада, одеднаш избил пожар при што бил уништен нивниот „голф 6“, возило во сопственост на турист од Нови Сад и третиот автомобил бил на македонски државјанин. Тие се сомневаат дека пожарот е подметнат.
„За жал ние немаме каде да се обратиме, нивната полиција ни рече дека нема ништо од тоа и дека таквите работи се случуваат. Исто така наведоа дека пожарот бил како последица на неисправен џек, што по 15 часа стоење на автомобилот во сенка, е невозможно,“ изјавил Тодорчевиќ, кој се сомнева дека пожарот е подметнат бидејќи се Срби.
Со автобус се вратиле во Белград, од каде што ќе се обидат да го решат нивниот случај.
Инцидентите со автомобилите на српски државјани во Грција, годинава се загрижувачки. До сега имаше неколку случаи на крадење на автомобили на српски туристи на Халкидики, како од плажи, така и на наводно безбедни места за паркирање, во гаражи од хотел и во приватни вили.
Фото: kurir.rs