Поранешната специјална обвинителка Катица Јанева, седната на гарнитура, завитката во ќебе, а пред неа снопче со пари во апоени по 500 евра.
Ваква фотографија беше презентирана на денешното рочиште за „Рекет“, а истата е од мобилниот на Бојан Јовановски-Боки 13.
На судењето на кое денеска се презентираа материјални докази, беше посочено дека истата е направена на 4. април, 2019 година во домот на Јанева.
Јанева во мобилниот на Боки 13 ја има и на други фотографии направени во нејзиниот дом, нејзината канцеларија во Специјалното јавно обвинителство (СЈО), ресторанот „Ден и ноќ“…, како и на кратко видео во кое вели: „Па планираме, а што ќе одлучат, ќе видиме”.
На фотографијата од ресторанот, Јанева држи плик и го става во чанта, а на фотографијата од СЈО во раката држи документ.
Случајот „Рекет“ го води судијката Васка Николовска-Масевска, а застапник на обвинението е Вилма Русковска.
Основното јавно обвинителство за гонење организиран криминал и корупција во октомври лани поднесе обвинение против Бојан Јовановски, Катица Јанева и Зоран Милески.
Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева и Милески за „примање награда за противзаконито влијание“.
Второобвинетата Јанева се товари и дека сторила и кривично дело „злоупотреба на службена положба и овластување“.
На првото рочиште за „Рекет“, што се одржа на 3 декември лани, третообвинетиот Зоран Милески-Кичеец призна вина, по што беше осуден на три години затвор.
ПОВРЗАНИ ВЕСТИ
Судење за „Рекет“: Боки 13 и адвокатот Димишков ја нарекувале Јанева „мајка“
Боки 13 барал прием кај Заев, тој му одговорил: „ги видов доказите, ова е чист рекет“
Фото: Фејсбук/Боки 13