Специјализираната веб страница за архитектура од Србија gradnja.rs објави фотографии од паралелната база за заштита на податоци на Министерството за внатрешни работи (МВР).
Во овој објект ќе се чуваат податоците на МВР за да бидат заштитени од терористички напади или природна катастрофа.
Објектот се наоѓа на 2,5 километри од центарот на Прилеп и е поделен на два дела, кружен прстен за сместување на техничка опрема и инсталации и просторија за централно јадро на серверот за сместување на 120 рек единици.
Кружниот прстен е исполнет со простории за машински и инсталации (простории за гас и хвац), електрични и телекомуникациски инсталации, вклучувајќи ја и просторијата на давателот на услуги.
Остатокот од просторот во објектот е за сместување на вработени (мрежни техничари, оператори, безбедност).
Тој се протега на површина од 1.307 квадратни метри.
Фото: gradnja.rs