Матичниот лекар Ненад Лазаров кој прв информираше за барањето за отказот од страна на трите сестри на Инфективна клиника, на неговиот фејсбук-профил објави дека главната сестра била разрешена од позицијата.
„Инаку, медицинските сестри што дадоа отказ од Инфективна, а кои експресно ги прими загрижениот министерот, другиот ден експресно се разрешени од местата одделенска т. е. главна сестра после состанокот,“ пишува Лазаров на неговиот фејсбук-профил.
Инаку министерот за здравство Венко Филипче се сретна со медицинските сестри кои поднесоа барање за отказ по што беше истакнато дека се договориле после заслужениот одмор кој го земале повторно да разговараат и да најдат начин да продолжат заедно во битката со Ковид 19 на Инфективната клиника.
„Секој човек во здравството е важен и ќе направам се за да ги мотивирам здравствените работници“, информираше Филипче по средбата.
Заминувањето на секој здравствен работник е голем удар за здравството и пациентите, имајќи ја предвид кризата со која се соочуваме.
ПОВРЗАНИ ВЕСТИ
Медицински сестри од Инфективна поднеле отказ, Филипче ги убедува да останат
Фото: МЗ