Хотели Метропол АД Охрид за периодот јануари- декември 2020 година во своето работење оствари негативен финансиски резултат искажан во нерeвидираниот Биланс на успех, информира компанијата преку Македонската берза.
„Приходите од работењето на Хотели Метропол АД Охрид за 2020 година изнесуваат 79.353 илјади денари и истите гледано споредбено со 2019 година се намалени.
Од овој приход на основната дејност на фирмата отпаѓаат најголем дел, односно 59.357 илјади денари што покажува намалување за 72 % во однос на 2019 година.
Останатите приходи во износ од 19.996 илјади денари се енормно зголемени во однос со истите од минатата година како резултат на користење на финсиска помош за справување со глобалната пандемија.
Финансиските приходи се намалени во однос на 2019 година и изнесуваат 1.012 илјади денари.
Расходите од работењето во износ од 107.524 илјади денари, се намалени за 37% во однос на расходите во 2019 година.
Најголемо учество во вкупните расходи од 46,1% имаат трошоците за вработени во износ од 49.570 илјади денари, кои споредбено со 2019 година се намалени за 24%.
Трошоците за суровини и материјали во износ од 21.999 илјади денари се значајна ставка во расходите со 20,46% учество во вкупните расходи, кои во однос на 2019 година се намалени за 63%.
Финансиските расходи бележат опаѓање во однос на истите од претходната година.
Хотели Метропол АД Охрид во 2020 година оствари негативен финансиски резултат остварувајќи нето загуба од 28.512 илјади денари, како една од дејностите најпогодени од светската пандемија со Ковид-19„, информираат од компанијата.