Рамстор Мол, осма година по ред, по повод големиот празник Велигден, ја организира хуманитарната акција “Волшебно велигденско дрво“, информираат од таму.
Хуманитарната акција е оранизирана и овозможена благодарение на Црвен крст на Град Скопје и Рамстор Mол во соработка со ЈУ Меѓуопштински центар за социјални работи на Град Скопје, а поддржана од Комерцијална банка АД Скопје и истата е наменета за корисниците од Дневниот центар за лица со церебрална парализа и Дневен центар за лица со интелектуална попреченост над 18 години “Пролет“.
Хуманитарната акција ќе трае од 05.04.2023 до 12.04.2023, каде што сите посетители на Рамстор мол ќе имаат можност да одберат едно или повеќе хартиени велигденски јајца од “Волшебното велигденско дрво“, на кое се напишани желбите на корисниците од Дневниот центар за лица со церебрална парализа и Дневниот центар за лица со интелектуална попреченост над 18 години “Пролет“ и да исполат нечија желба.
-Се повикуваат сите граѓани и општествено одговорни компании да се вклучат во оваа акција, за заедно да исполниме желби и да донесеме среќа, велат од таму.