Регулаторната комисија за енергетика и да не донесе промена на цената на електричната енергија, со самото зголемување на ДДВ-то на 10 проценти, ќе се зголеми трошокот на граѓаните за електрична енергија, вели претседателот на РКЕ Марко Бислимоски.
– Мислам дека ќе треба да ни се даде простор да разгледаме и ние некои покреативни решенија за да се избегне зголемувањето на вкупниот трошок на електрична енергија којшто би го имале пред се домаќинствата, изјави Бислимоски во интервју за телевизија Телма.
Според Бислимоски, треба да се размисли и да се види дали ќе има потреба да се зголемува електрична енергија за домаќинствата со самото тоа што на регулираниот пазар се префрлаат и одредени субјекти од слободниот пазар.
– Треба да застанеме малку, да ја нагазиме топката и да размислиме дали имаме потреба од зголемување на цената на електричната енергија. Тука пред се зборувам за домаќинствата.
Треба да видиме каква ќе биде состојбата во 2023 година, а потоа да разгледуваме дали воопшто имаме потреба да носиме промена на цената на електричната енергија, бидејќи не е фер некој што злоупотребил, сега тоа да падне на товар на домаќинствата.
Јас разбирам дека општините имаат неколкукратно зголемени трошоци и јавните комунални претпријатија се соочуваат со реален проблем и нивните трошоци за струја во некои месеци се повисоки, но за жал, не чув ниту еден предлог од овие комунални претпријатија како тие би ја подобриле својата ефиканост за работа, вели Бислимоски.
ПОВРЗАНИ ВЕСТИ
Струјата ќе поскапи, се прават пресметките за колку
МИА