еМагазин во серијал ќе Ви ги пренесе биографиите на членовите на новата Влада.
Кој е Беким Сали
Кадарот на Алтернатива, Беким Сали е новиот министер за здравство.
Сали завршил средно медицинско училиште во Скопје, а дипломирал на Стоматолошкиот факултет во Скопје.
Тој е доктор по стоматологија и управител на приватна стоматолошка ординација.
Во неговата биографија се наведува и дека е ангажиран во невладиниот сектор за здравство и во Министерството за здравство.
Во моментов е на постидипломски студии за јавно здравје.
Член е на Стоматолошката комора, на Здружението на албански стоматолози и на Здружението на албански имплантолози.
Во неговата биографија стои и дека учествувал на научни активности од областа на стоматологијата, на меѓународна конференција за здравствен туризам, на повеќе семинари…
Покрај албански јазик, зборува и македонски, англиски и турски јазик.
Политичка кариера
Од 2009 до 2010 година ја извршувал функцијата шеф на Кабинетот на министерот за здравство и претседател на Управниот одбор на Фондот за здравствено осигурување.
На локалните избори во 2021 година, Сали беше кандидат за градоначаник на Општина Чаир од редовите на Алтернатива.
ПОВРЗАНИ ВЕСТИ
Која е Славјанка Петровска, новата министерка за одбрана
Кој е Никола Тупанчевски, новиот министер за правда
Кој е Димитар Ковачевски: Што пишува во биографијата на новиот македонски премиер
Фото: МЗ