Евгениј Пригожин, лидерот на руската платеничка група „Вагнер“ загина во авионска несреќа.
ПОВРЗАНИ ВЕСТИ
(Видео) Лидерот на руската паравоена група „Вагнер“, Пригожин загина во авионска несреќа
Пред извесно време тој беше топ тема во светот, откако влезе во конфликт со руските власти и ја доведе Русија на ивица од граѓанска војна, најавувајќи поход на Москва, а ситуацијата ја смири белорускиот претседател Александар Лукашенко.
ПОВРЗАНИ ВЕСТИ
Лукашенко го запре походот на платеничката група „Вагнер“ на Москва
Русија прво најави дека кривично ќе го гони, а потоа ја повлече таа најава, а Пригожин замина во Белорусија. Периодов се шпекулираше дека е во Африка.
Кој е Пригожин
Како провокативен платеник и водач со склоност кон тролање на медиумите, Пригожин го предводеше учеството на приватната групација „Вагнер“ во руската агресивна војна против Украина. Неговата историја со раководството во Москва датира со децении, напиша неодамна Политико во анализа за групата „Вагнер“ и нејзниот лидер.
Групата „Вагнер“ е организација на милитантни платеници кои работеле заедно со руската армија за време на инвазијата на земјата на Украина.
Групата „Вагнер“ постои од 2014 година, кога избувна конфликт меѓу Украина и Русија за регионот на Крим. Пригожин на социјалните мрежи тогаш изјави дека се обидува да формира група од борци кои би можеле да ги бранат руските интереси во регионот.
Групата е поврзана со конфликти во Либија, Сирија и неколку други афрички земји.
Паравоената група забележаа раст за време на војната во Украина, со десетици илјади борци сега под нејзина контрола.
Како началник на групата “Вагнер„ во текот на целиот конфликт, Пригожин често се конфронтираше со руските воени водачи. Тој објавуваше видеа кои се контрадикторни со рускиот наратив за непречена воена операција.
Тој често тврдеше дека неговите сили ја воделе борбата во Украина, додека ја доведува во прашање компетентноста на руската војска. Во мај, тој објави видео заедно со униформирани мртви тела, проколнувајќи ги водачите за недоволна подготвеност.
ПОВРЗАНИ ВЕСТИ
Пригожин и Путин
Рускиот претседател Владимир Путин и Пригожин се родени во ист град, Санкт Петербург (тогаш Ленинград). Додека Путин се издигна од инсајдер на КГБ до руски лидер, Пригожин отслужи децениска затворска казна почнувајќи од неговите тинејџерски години, пред да започне со штанд за хот-дог, наведува Политико.
Тој брзо почна да има влијание во угостителската индустрија пред да го привлече вниманието на Путин. Во времето кога Путин беше во највисоките ешалони на руската влада, Пригожин помагаше во сервирањето на неговите државни вечери – како онаа одржана во 2006 година со тогашниот претседател Џорџ В. Буш – што му го донесе прекарот „готвач на Путин“.
Путин му помогна на Пригожин да отвори фабрика за училишни ручеци со дарежливи заеми финансирани од државата. Пригожин, исто така, поседуваше барем дел од Конкорд Менаџмент и консалтинг, фирмата за која претставниците на Министерството за правда се сомневаа дека ги финансирала операциите за подршка на Доналд Трамп за време на изборите во 2016 година.
Во декември лани, САД објави дека групата „Вагнер„ има околу 50.000 персонал во Украина – околу 10.000 со договор и 40.000 осуденици од руските затвори, изјави портпаролот на Советот за национална безбедност на САД, Џон Кирби.
ПОВРЗАНИ ВЕСТИ
(Видео) Русија пред граѓанска војна: Москва влезе во конфликт со платеничката група Вагнер
МИА/еМагазин/Политико/Фото: Пригожин/Телеграм