Кои пратеници ги предложија законските измени за Бехтел и Енка, со кои конзорциумот нема да плаќа данок, царина и акциза

Лавина од негативни реакции во јавноста и на социјалните мрежи предизвика информацијата дека денеска на дневен ред во Собранието по скратена постапка се законски измени на дури девет закони во корист на американско-турскиот конзорциум Бехтел и Енка, кој за 1,3 милјарда евра ќе ги гради автопатите на коридорите 8 и 10д.

За Бехтел и Енка, кој власта го прогласи за стратешки инвеститор ќе се менуваат законите за земјоделско земјиште, експропријација, заштита на културно наследство, урбанистичко планирање, минерални суровини, работни односи, законите за шумите и за градење, а ќе се менува и законот што овозможи без тендер да му се даде на американско-турскиот конзорциум да ги гради автопатите.

ПОВРЗАНИ ВЕСТИ

Бехтел и Енка, кој ќе ги гради автопатите, нема да плаќа данок, царина и акциза

Предлагачи се пратеници на ДУИ, СДСМ и Алијанса за Албанците: Арбана Пашоли, Арбен Зибери, Арбер Адеми, Арта Биљали-Зендели, Бајрам Кадрија, Бедри Фазли, Берат Ајдари, Вјолца Адеми, Даниела Николова, Љатифе Шиковска, Мерита Колчи Коџаџику, Рина Ајдари, Фиснике Бектеши Шаќири, Халил Снопче.

ПОВРЗАНИ ВЕСТИ

“Република Бехтел и Енка Македонија“: Твитер реакции за законските измени за американско-турскиот конзорциум кој ќе ги гради автопатите

Катастрофални законски измени за работничките права заради Бехтел и Енка, реагираат од ССМ

Македонското археолошко друштво за законските измени за Бехтел и Енка: Собранието менува закон во полза на бизнисот, а на штета на културното наследство