Вработен на Клиниката за инфективни болести и фебрилни состојби е новиот случај на заболен со конго-кримска хеморагична треска во Македонија.
ПОВРЗАНИ ВЕСТИ
Вработен на Инфективна позитивен на конго-кримска хеморагична треска и е хоспитализиран
Како што информираа од Министерството за здравство (МЗ), медицинското лице имало контакт со жената на 27-годишна возраст од Штип, кој почина пред неколку дена откако беше касната од крлеж, кој и ја пренел конго-кримска хеморагична треска.
ПОВРЗАНИ ВЕСТИ
27-годишна жена од штипско починала откако ја каснал крлеж, неколку дена откако ѝ го извадиле дома
Под здравствен надзор, кој трае 14 дена од последниот контакт со пациентот се уште дестина лица, кои имале контакт со жената.
Кои се симптомите на конго-кримска хеморагична треска
Должината на периодот од заразување до појава на симптоми зависи од начинот на стекнување на вирусот, појаснија од МЗ.
По инфекцијата со каснување од крлеж, периодот е обично еден до три дена, со максимум од девет дена. Периодот по контакт со заразена крв или ткива е обично пет до шест дена, со документирани максимум 14 дена.
Почетокот на болеста е ненадеен, со главоболка, висока температура, болки во грбот, болки во зглобовите, болки во стомакот и повраќање. Црвени очи, зацрвенето лице, црвено грло, и црвени дамки на непцето, се исто така присутни.
Може да се јави жолтица, а во потешки случаи, промени во расположението.
Како што напредува болеста, на телото на заболениот се јавуваат големи делови со модрици, како и крварење од носот.
Закрепнувањето е бавно.
ПОВРЗАНИ ВЕСТИ
Фото: Унсплеш