Двете сателитски телевизии, ТВ 24 Вести и Наша ТВ во 2019 година оствариле вкупно приходи од 73,31 милион денари, од кои 91% бил приходот на ТВ 24 Вести (66,87 милиони денари), стои во анализата на медиумскиот пазар на Агенцијата за аудио и аудиовизуелни медиумски услуги.
„Вкупните приходи на Наша ТВ изнесувале 6,44 милиони денари.
Во споредба со претходната година ТВ 24 Вести ги намалила приходите за 24,85%, додека пак Наша ТВ ги зголемила за речиси три пати повеќе.
Во структурата на приходите на овие две телевизии 87,71% биле приходи од реклами, 10,01% останати приходи и 2,28% вонредни приходи.
За ТВ 24 Вести, приходите од рекламирање биле најзначаен извор на приходи (90,67%). По овој основ ТВ 24 Вести остварила 60,63 милиони денари. Учеството на приходите од реклами кај Наша ТВ било 56,83% или 3,66 милиони денари.
За време на изборното медиумско претставување на Претседателските избори во 2019 година, платено политичко рекламирање емитувала само ТВ 24 Вести. Приходот којшто го остварила по овој основ изнесувал 12,36 милиони денари„, стои во анализата.
ПОВРЗАНИ ВЕСТИ
На што најмногу трошеле лани Сител, Канал 5, Телма, Алфа и Алсат М
По колку вработени имаат и колку трошат на плати Сител, Канал 5, Телма, Алфа и Алсат М
Колкави приходи и од што оствариле лани Сител, Канал 5, Телма, Алфа и Алсат М
Сител, Канал 5, Алфа и Алсат М лани работеле со добивка, а Телма со загуба