Комерцијална банка во текот на минатата година на 50 лица со посебни права и одговорности (менаџерски тим) им исплатила вкупно 145,9 милиони денари (2,3 милиони евра) за бруто-плати, плата од деловна успешност, регрес, новогодишен надоместок, менаџерско осигурување, отпремнина, систематски прегледи и јубилејни награди, соопшти банката во годишниот извештај објавен преку Македонската берза.
Од вкупната сума 96,7 милиони денари претставуваат фиксен и 49,2 милиони денари претставуваат варијабилен надоместок.
На вкупно 1.012 лица вработени во банката, исплатени се вкупно 983 милиони денари (15,9 милиони евра) за бруто-плати, плата од деловна успешност, регрес, новогодишен надоместок, менаџерско осигурување, отпремнина, систематски прегледи, јубилејни награди, парична помош, дополнителни пензиски придонеси и други надоместоци од кои 843,3 милиони денари претставуваат фиксен и 139,7 милиони денари претставуаат варијабилен надоместок.
ПОВРЗАНИ ВЕСТИ
Комерцијална банка ќе исплаќа дивиденда во бруто-износ од 550 денари за акција