Во периодот од 01.01.2020 до 30.06.2020 година Стопанска банка АД – Скопје оствари нето добивка пред оданочување во износ од 1.057.284.000 денари споредена со износ од 1.171.487.000 денари остварена во истиот период минатата година, соопшти банката преку Македонската берза.
„Намалувањето на добивката е пред се резултат на глобалната пандемија и последиците како на глобално ниво така и во домашната економија. Кон крајот на првиот квартал се случи пандемија Ковид-19 која започна да се шири на глобално ниво предизвикувајќи сериозни импликации врз здравјето на луѓето со соодветен голем импакт и во економската сфера.
Стопанска Банка АД Скопје веднаш презеде мерки за заштита како на вработените така и на клиентите, со почитување на сите препораки коизапочнаа да се објавуваат од страна на сите релевантни авторитети.
Менаџментот на банката ќе продолжи активно да го следи развојот на кризата и да презема мерки и активности за ублажување на ефектите, како за банката така и за нејзините клиенти“, информираат од банката.
ПОВРЗАНИ ВЕСТИ
Диомидис Николетопулос со согласност од НБМ реименуван за прв човек на Стопанска банка Скопје