Анализата на податоците за заболените од корона вирусот која на дневна основа ја прави Институтот за јавно здравје (ИЈЗ), заклучно 9. април, покажува нов раст на кумулативната инциденца во Куманово.
Кумулативната инциденца го покажува бројот на заболени на 100.000 жители и е една од причините зошто централната власт досега не дозволи затворање на Куманово, по примерот на Дебар, иако локалната власт постојано го бара истото.
“Највисока кумулативна инциденца на 100.000 жители се регистрира во Дебар со 176,5 заболени на 100.000 жители, во Куманово инциденцата на 100.000 жители е 117,7, додека инциденца над 40 на 100.000 жители е регистрирана во Скопје, Прилеп и Струга“, покажува анализата на ИЈЗ.
До 8. април таа во Куманово беше 100,2, до 7. април, 91,1, до 4 и 3. април, според податоците на ИЈЗ, беше 65,2.
Во Скопје, Прилеп и Струга, пак заклучно со податоците до 8. април беше 30.
Како изгледа состојбата по другите градови погледнете на мапата:
ПОВРЗАНИ ВЕСТИ
Детален преглед: 32 починати од коронавирусот во Македонија, најмногу во Куманово
Сите детали: Над 60 години најголем дел од новозаболените од коронавирусот во Македонија
Драстичен раст: 95 здравствени работници заболени од коронавирусот во Македонија
Фото: Општина Куманово/Мапа: ИЈЗ