Србија ќе паузира со примената на Меморандумот за патување без ПЦР тестови склучен со Северна Македонија и Албанија, поради барањето на некои европски земји, за што навремено информирала српската Влада, изјави денеска премиерот Зоран Заев.
„Веројатно, Германија и некои други земји бараат од земјите кај нас паузирање на Меморандумот или договорот за патување без ПЦР тестови помеѓу Северна Македонија, Србија и Албанија. И при едни вакви околности навремено информираше српската Влада и изрази жалење.
Секако не се лутиме, нема и зошто да немаме разбирање, заради тоа што ние тоа го направивме најдобронамерно,“ изјави премиерот одговарајќи на новинарско прашање на денешната прес-конференцијата во Влада, .
Тој верува дека договорите кои сега се ставени во мирување ќе бидат вратени до крајот на јануари, при тоа не кажа дали е можно времено повлекување на македонската страна од Меморандумот.
ПОВРЗАНИ ВЕСТИ
Од 20 декември во Србија може да се влезе само со негативен ПЦР тест
МИА/Фото: Влада