еМагазин
Image default
ЖИВОТ ТОП СТОРИИ

Малиот херој Јане со порака во ОН: Мене не ми смета мојата пречка, туку ми сметаат пречките од околината

Јане Велковски, 11-годишен застапник за правата на децата со попреченост на панел дискусијата – „Да не изоставиме ниедно дете: за секое дете, сите права“ на собирот на високо ниво во Генералното собрание на Обединетите нации (ОН) „Триесет години од усвојувањето на Конвенцијата за правата на детето и одбележување на Светскиот ден на детето“ што се одржа вчера во седиштето на ОН ја изрази својата среќа што е таму и ја раскажа неговата животна приказна.

„Јас сум роден со спинална мускулна атрофија, и поради тоа се движам со количка која ја викам Формула. Но моите родители од мал ме учеа дека можам да правам се што можат и другите, само на поинаков начин. Како што растев – тоа стана и мое правило – да правам се и да уживам во животот.

Одам во  училиште и имам многу другари. Учам, шетам, играм, но мојата најголема страст е фудбалот. Јас го засакав фудбалот од мал и играм фудбал секогаш кога можам. Тоа ми дава сила и енергија и ме прави среќен.

Фудбалот ми помогна да се борам за да добијам терапија, ме поврза со многу славни личности и ме направи голем борец за еднаквост во спортот. Јас верувам дека сите на светот можат да играат фудбал без разлика како играат. Битно е да се еднакви и да се почитуваат.

Јас се сметам за еднаков со сите, така и се однесувам, и така треба сите да се однесуваме. Но не е лесно кога си во количка, бидејќи има многу пречки на патот.

Мене не ми смета мојата пречка, туку ми сметаат пречките од околината. Ме нервира кога сум спречен да одам негде ако нема рампа или ако нема превоз за мене и родителите мораат да ме носат. До сега бев мал, па родителите ми помагаа и ги отстрануваа пречките за мене. Но сакам да пораснам во човек кој ќе биде независен.

Децата како мене сигурно исто се чувствуваат и би сакал да им порачам – да бидат упорни и никогаш да не се откажуваат од својот сон. Треба да ги рушат бариерите каде што ги има, а да прават добри работи каде што ги нема.

А на возрасните сакам да им порачам- треба да направите се за правата на децата, и отстранете ги сите бариери. Да нема дискриминација!“, раскажа Јане.

ПОВРЗАНИ ВЕСТИ

(Фото) Застапникот за деца со попреченост од Македонија, Јане во ОН се сретна со Дејвид Бекам

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Хор од Јордан со прекрасна изведба на „Македонско девојче“

Никола Осило

„Го враќаат ДДВ-то кај народот“: Твитер за снимката како Боки 13 зема пари од Орце Камчев

Редакција

Мерко се откажува од ингеренциите врз Општина Струга и бара Владата да раководи со градот

Редакција