Општина Неготино најостро го осудува свирепото уништување на кучиња, напиша на Фејсбук неготинскиот градоначалник Горан Стојанов, по објавувањето на информации во јавноста, за масовно труење на кучиња на потегот на улицата „Индустриска”.
– Општина Неготино јасно, недвосмеслено и најостро го осудува овој вандалски чин и бара од надлежните институции да преземат и спроведат итни активности, за откривање и пронаоѓање на сторителот или сторителите на овој грозоморен чин.
За таа цел, остварен е официјален контакт со надлежните од ОВР Неготино и побарана е брза интервенција за откривање на идентитетот на лицето кое го извршило делото, поднесување на соодветен поднесок против него согласно законските прописи и изрекување на санкции за стореното дело, напиша Стојанов.
Тој додава исто така, дека било контактирано и со одговорните од Ветеринарна станица Неготино, со сугестија за поинтензивно заловување на кучињата-скитници и нивно сместување во постоечкиот стационар.
ПОВРЗАНИ ВЕСТИ