еМагазин
Image default
Македонија ТОП СТОРИИ

Министерот Димитров за информациите дека бил „заштитен извор“ на Американците: Ми извадиле стари информации

Министерот за надворешни работи, Никола Димитров, на својот Фејсбук профил регираа на информацијата која првично се рашири по социјалните мрежи, а потоа и во медиумите дека бил „заштитен извор на американската амбасада“.

Информацијата е објавена на веб страната на Викиликс.

“Деновиве гледам извадиле стари информации објавени во 2010 година кои всушност потврдуваат дека конзистентно сум работел на исполнување на стратешките цели – НАТО и ЕУ членството – и сум комуницирал со САД, нашите стратешки партнери, во функција на остварување на државните интереси на Македонија.

Истите партнери што во 2004 година, кога бев амбасадор во Вашингтон, го признаа уставното име на Република Македонија.

Фактот што после цели осум години се злоупотребуваат истите информации, со обид за тенденциозна лична дискредитација за да му се наштети на заокружувањето на договорот од Преспа, токму во финалето на процесот, индицира дека зад овие игри се сили кои се против реализацијата на европските и евроатлантските интеграции на Република Македонија“, пишува Димитров.

Според Викиликс, Димитров се води како „заштитен извор“ на американската амбасада два пати во 2008 година откако обезбедил информации за грчко-македонскиот спор за името и НАТО и ЕУ интеграциите.

Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Деца раѓаат деца: Регистрирани 20 случаи на мајки под 15 години

Никола Осило

ВМРО-ДПМНЕ нема да учествува во комисиите во Собранието и ќе поднесе предлог-закон за амнестија

Редакција

Гостиварска „Пелагонија“ го доби тендерот на ЈП за државни патишта за санација на свлечиштето Маврово-Галичник вреден 380.000 евра

Никола Осило