На новинарот Драган Павловиќ-Латас и на неговите браќа Срѓан и Звездан Павловиќ, повторно ќе им се суди за случајот на поранешното Специјално јавно обвинителство (СЈО), откако Апелацискиот суд ја укина ослободителната пресуда.
Таа е укината поради суштинска повреда на постапката и поради нецелосно утврдена фактичка состојба, а предметот е вратен на повторно судење во Основниот кривичен суд.
Во случајот „Тревник“ се обвинети Латас и неговите браќа за бесправна градба на три викенд куќи во Зелениково.
Според СЈО, обвинетите изградиле три викенд куќи во Општина Зелениково без да имаат право на ваква градба, односно градење без одобрение за градење.
Латас изградил викендичка од 317 квадратни метри, а неговите браќа викендички со квадратура од 130, односно 104 квадратни метри.
Во прибавените докази на СЈО, меѓу кои и сателитски снимки, вештачење, како и останата документација, овие три викенд куќи биле започнати со градење во 2011 година, а одобрение за нивно градење од општината е добиено во 2013 година кога веќе биле и завршени.
Фото: ТВ Сител