Во периодот јануари – март 2019 година, на целата територија на државата се продадени 687 новоизградени станови, што е за 65 станови помалку од четвртиот квартал во 2019 година, покажува статистиката на Агенцијата за катастар на недвижности.
Заклучно со март, на целата територија на земјава има 5.340 станови кои се изградени, а сè уште не се продадени и се нудат на пазарот на недвижности.
За разлика од минатиот квартал, во овој квартал има зголемување на непродадените станови за 86 станови.
Исто така, во Агенцијата за катастар на недвижности се издадени 11.322 листови за предбележување на градба што укажува дека овие објекти се во фаза на градба и наскоро ќе се најдат на пазарот на недвижности.
„Може да се констатира дека бројот на новоградби моментално ја задоволува побарувачката на нови станови“, се вели во извештајот на Катастарот.
ПОВРЗАНИ ВЕСТИ
Сите детали: Стартува аплицирањето за субвенциониран станбен кредит по камата од 2,9 отсто