Во периодот од 01.01.2018 година до 30.06.2018 година НЛБ Банка АД Скопје работеше согласно усвоената деловна политика на банката за 2018-та година, прилагодувајќи го тековното работење на економските и пазарните услови во земјата, соопшти банката преку Македнската берза.
Со 30.06.2018 година билансната сума достигна 74.700.839.000 денари, односно се намали за 1.054.805.000 денари или 1,4% во однос на 31.12.2017 година, главно поради редовната целосна отплата на субординиран заем на 29.06.2018 година, во износ од 12 милиони евра и помал износ на депозити од небанкарскиот сектор.
Вкупните кредити на небанкарскиот сектор се зголемија за 458.275.000 денари или за 0,9% во однос на 31.12.2017 година и изнесуваат 49.175.099.000 денари.
Нето добивката на банката заклучно 30.06.2018 година изнесува 1.175.932.000 денари и е повисока за 26,5% во однос на истиот период од 2017 година.