Управата за јавни приходи (УЈП) ја објави листата на должници бр.11/2020 за долгови доспеани до 31.07.2020 и неплатени до 31.10.2020 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.
На листата на должници бр.11/2020 објавени се 1.964 должници – правни лица (помалку за 40 од претходната листа) и 2.719 физички лица (повеќе за 409 од претходната листа).
Вкупно објавениот нето долг во листата бр.11/2020 изнесува 9.955.597.703 денари, повеќе за 262.436.188 денари од претходната листа.
Нето-долгот за даноци и придонеси изнесува 9.758.588.674 денари (повеќе за 88.411.220 денари од претходната листа), додека долгот за царински давачки е 197.009.029 денари (повеќе за 174.024.968 денари од претходната листа).
ПОВРЗАНИ ВЕСТИ
Звучни имиња на новата листа должници на УЈП, меѓу нив и СЈО
Топ пет најголеми должници кон УЈП: ТЕ-ТО со 11,4 милиони евра убедливо на врвот